Serbske familije su se zasej zmakali, a to pśi nejlěpšem wjedrje na ponyjowem dwórje Forest Hill w Gołkojcach. Wobźěliło jo se 8 źiśi w starstwje wót 3 až do 13 lět ze starjejšymi. Nejžpjerwjej su se źiśi wopóznali z kónikami, su je cysćili, někotare su samo kopyta šurowali a griwy zaplatli. Za tym ako su se wšykne rejtariki na kónje sednuli, su se wupórali na gólnu drogu a su wobrejtowali kus góle, su se samo pśez wjas pórali. Starjejše su kóniki za wuzdu źaržali a wjadli a glědali, aby źiśi njepadnuli, gaby se kónik njezjapki do zaskoka dał. Slědk na dwórje jo se zmakanje wobzamknuło ze zgromadnym pójědankom.