Dwa nowej dolnoserbsko-nimskej materiala Rěcnego centruma WITAJ za pśedšulske źiśi pśedlažytej. „Źěłowy zešywk za mójo slědne lěto w źiśowni“ słužy pśiswójenju a zwucowanju serbskego słowoskłada we wšakorakich nadawkach. Material „Móje znaśa w serbskej rěcy“ dajo póglěd do rěcnego stawa jadnotliwych źiśi na kóńcu casa w źiśowni. Awtorka brošurkowu jo Gunda Heyderowa.

Dwójorěcnosć źěłoweju zešywkowu zmóžnijo parcielnje teke wobźělenje starjejšych. Ceptaŕki 1. lětnika mógu pśeglěd wó w źiśowni pósrědnjonem serbskem słowoskłaźe dostaś a we wucbje na to nawězaś.

Kuždemu pśedšulskemu góleśeju w ramiku Witaj-projekta abo drugego programa k pósrědnjenju serbskeje rěcy stoj toś ten material k dispoziciji.