W aktualnem wudaśu serbskego fachowego casopisa Serbska šula
- cytaśo rozpšawu wó źěłabnosći Serbskego šulskego towaristwa z. t. w lěśe 2024,
- pózbuźijotej studenta ceptaŕstwa w swójom pśinosku k temje “Zapśimjeśe a wóznam: Z rěcu identitu twóriś ”, wjelebocne póbitowanje terminologijow za serbsku rěc lěpjej wužywaś a tak słowoskład w kubłanišćach pśez konsekwentne wužywanje nowych słowow rozšyriś,
- rozpšawja dr. Justyna Michniuk wó nowem projekśe “Rěcny móst”, kótaryž dej słužyś spěchowanju wěcejrěcnosći pśez granice pśekšacujuce kubłanje a interkulturelne zgromadne źěło,
- informěrujo dr. Jana Šołćina wó wuknikojskem wuběźowanju “Serbiniada ” za wuknikow a wuknice 8. lětnika Górnjeje a Dolneje Łužyce, kótarež se wótmějo 2025 k prědnemu razoju w Budyšynje a kótarež dej serbšćinu pśesegujucy słowjańske rěcy zwězowaś.
Mimo togo rozpšawijomy wó projektach Rěcnego centruma WITAJ a pśedstajijomy nowe materialije.
