We wobrazowem tšojeńku aktualnego wudaśa Lutkow woglědajotej Witko a Julka k Alence do jeje zagrodki. Tam pokazujo jima Alenka wšykne rožki a pótajmstwa, kaž domcyk za ježyka Stanija a grědku za zela.
Z noweju basnju z pjera Jill-Francis Ketlicojc „Wuchac trjeba jajcycka“ mógu se źiśi južo na jatšy nastajiś.
W pśinosku „Spěchowanje serbskich familijow w Dolnej Łužycy“ dajo Aleksander Draguła zajmne póglědy do projekta „Sorbisch/wendisch sprechende Familien“.
Lutkam pśipołožone jo memograśe „Serbske nałogi“ – 1. źěl.
