Ako južo za fiblu LUTK 1 jo něnto wujšeł teke za drugi lětnik dodatny zarědnik „LUTK 2 – Toflowe aplikacije”. Wón wopśimjejo 132 wobrazowych a tekstowych kórtkow w zwuconem A5-formaśe a k tomu hyšći 70 wětšych A4-kórtow, kenž deje wuwucujucym pomagaś pśi zwobraznjenju tekstow a nadawkow we wucbnicoma.
Na wětšych kórtkach namakaju ceptaŕki a ceptarje mjazy drugim mjerwjeńcowy wobraz a Krabatowe wulicowańko, bajku wó gusce a wjele drugego. Mjeńše A5-kórtki póbituju zasej wobrazowe aplikacije za wažne wokable, zběrku relewantnych gramatiskich zapśimjeśow, kórtki k prefigěrowanju werbow a wobrazki ze wšakimi wjedrowymi zjawami.
Awtorka jo, ako za ceły wucbny rěd LUTK, ceptaŕka Hanka Ješcyna w nadawku ABC Chóśebuz a ilustrěrowała jo zasej Katharina Bußhoff.
Zarědnik jo na pśedań za 34,00 € w Smolerojc knigłaŕni w Budyšynje, w LODCE w Chóśebuzu a na internetowem boce Ludowego nakładnistwa Domowina pód skazańskim cysłom 2/128/24-1W.
