Dnja 10. oktobra 2024 stej radušańska źiśownja „Marjana Domaškojc“ a Rěcny centrum WITAJ Chóśebuz Serbski familijowy źeń swěśiłej. K tomu su pśišli źiśi ze źiśownje ako teke z horta zakładneje šule Wětošow ze swójimi wótkubłaŕkami, starjejšymi a starymi starjejšymi – dogromady 80 gósći – do sportoweje a kulturneje brožnje Raduš. How jo jich wótcakała bubon Berta, prezentěrowana wót Serbskego ludowego ansambla Budyšyn. Bubon Berta jo hyšći pśijaśele, z cełego swěta sobu pśinjasła, na pśikład marimbu z Afriki abo tam-tam z Chinskeje. Za wšyknych jo to było fantastiske zukowe dožywjenje a jo zmóžniło młogemu, sam raz na jadnom z wjele perkusijnych instrumentow graś.