Dnja 12. junija 2025 jo se wótměł w klubowni Dolnoserbskego internata Źeń serbskich pedagogow. 20 fachnikow – ceptaŕki a ceptaŕ serbšćiny, wótkubłaŕki ako teke zastupnice wšakich serbskich institucijow – jo se na njom wobźěliło. Pśistajone Rěcnego centruma WITAJ su krotko wó swójom aktualnem źěle rozpšawili. Wuměłcowka Marion Kwicojc jo pśedstajiła kus „Wódny muž a jogo ryby“. Pótom su se pśibytne pśi słodkem bufeśe žywje rozgranjali.