Lěcrownož su z kuždego boka śamne mroki śěgnuli, njejsu se serbske familije wuźěsyli a su pětk, 3. maja 2024, wótpołdnja w radnej licbje pśichwatali na kózyny dwór do Gołbina. Tam jo se zejšło 11 źiśi a 10 dorosćonych, mjazy nimi jo se wobźěliła prědny raz jadna familija z Gołynka z góleśoma. Pó wjeźenju pó dwórje su wšykne šli do gósćeńca, kenž k tomu kózynemu dwóroju słuša. Tam su mógali wopytaś mloko, lod a twarožk ze wšakimi pśicynkami a k tomu móžo se jano groniś: To jo słoźeło! Jo planowane, se do lěśojskich proznin hyšći raz zmakaś.
