Teke lětosa jo Rěcny centrum WITAJ wuspěšnje pśewjadł certifikaciju dolnoserbskeje rěcy. Smy zasej mógali testowaś wšykne styri stopjenje: A1, A2, B1 a B2. Dogromady jo certifikaciju wótpołožyło dwanasćo kandidatkow a kandidatow. Šesć wót nich jo było ze serbskich institucijow, jadna z komunalnego wobceŕka SPN, tśi su byli wobźělnice pśigótowańskego kursa Zorja slědne lěto w Janšojcach ako teke jadna studentka slawistiki z Barlinja a jaden student slawistiki z Lipska. Rezultaty su byli zasej wšako. Wšykne wobźělnice a wobźělniki su certifikaciju z wuspěchom abo z dobrym a wjelgin dobrym wuspěchom absolwěrowali. K tomu Rěcny centrum WITAJ wutšobnje gratulěrujo a žycy dalej wjele wjasela pśi źěle a zaběrje ze serbskeju rěcu.
Pśiduca certifikacija se wótmějo w měrcu a septembrje 2024.
