Dnja 8. junija 2023 jo se wótměł w klubowni Dolnoserbskego internata Źeń serbskich pedagogow. Smy pśiwitali 30 gósći – wucabnice serbšćiny, wótkubłaŕki ako teke zastupnikow serbskich institucijow a města Chóśebuza. K swěźeńskemu programoju su słušali muzikaliske wobrubjenje pśez źiśi chóśebuskeje Witaj-źiśownje „Wila Kunterbunt“, pśedstajenje nowego wulicowańskego a wumólowańskego zešywka k serbskim powěsćowym figuram ako teke mały bufet. Wjednik wótźělenja Bernd Melcher jo informěrował mjazy drugim wó aktualnych projektach. We wokognuśu běžy hyšći comicowe wuběźowanje za wuknikow. Paralelnje k tomu se pśigótujotej Witaj-camp a Šula w zelenem. Pó oficielnem programje su se wobźělniki žywje wuměnili.
