Pěty raz jo se pětk, 21.04.2023, w Dolnej Łužycy pśewjadło Cytańske wuběźowanje hortowych źiśi. Lětosa su se zasej wobźělili wšykne styri WITAJ-horty, ako su: hort „Njewjerica” Žylow, hort LIPA Bórkowy, hort Brjazyna a „Hort móžnosćow” Wětošow. Finale jo za 12 źiśi a dobył jo Konstantin Münch (foto) ze žylojskego horta z wulicowańkom „Co se sněgowemu mužoju cowało jo”. Wutšobnje gratulěrujomy! A se wuźěkujomy pla našych hortnaŕkow, až su zasej tak pilnje z wuknicami a wuknikami zwucowali. Comy źiśi z toś tym wuběźowanim motiwěrowaś, se dalej ze serbskeju rěcu a literaturu zaběraś. Wuslědki jo gódnośiła njewótwisna jury a Rěcny centrum jo pśigótował myta.
