25. a 26. januara su małe grajaŕki a grajarje žylojskego horta zasej pśedstajili źiwadłowe graśe k ptaškowej swajźbje. Ako kužde lěto jo se Witaj-hortnaŕka a wjednica horta Beate Wagnerowa zasej wumysliła rědne teksty a jo se starała wó kostimy a kulise. Mjaztym maju źiśi teke headsety a su derje k rozměśeju. Serbšćinaŕki a serbšćinarje, ale teke źiśi, ako njewuknu serbski, se wobźěluju z wjelikim angažementom na graśu. Tak źiwadłowa kupka a wšykne pomocnice a pomocniki napšawdu woplěwaju toś ten rědny nałog. Pśez cełe graśe jo se powědała dobra dolnoserbšćina. Gósći su na kóńcu samo dostali sroku. Wutšobny źěk, lube źiśi a lube hortnaŕki!