Pśepšosenju firmy Microsoft na źěłowe rozgrono su slědowali srjodu, 14.12.2022 dr. Beata Brězanowa, Marko Měškank (RCW) a projektowa sobuźěłaśeŕka sotra.app-teama, dr. Marion Kremer, ako teke Wito Bejmak ze Serbskego instituta. Zgromadnje su wobźělone rozpominali, kak móžo se serwis za wužywaŕki a wužywarjow Microsoft-programow w dolno- a górnoserbskej rěcy rozšyriś a co by dejało prioritu měś. Microsoft jo južo prědny rěcny model za dolnoserbšćinu wuwił. Wót februara 2023 pśespytuju serbske fachniki pótom kwalitu modela. Na to slědujotej techniska integracija do Microsoft-translatora a pśistup za zjawnosć, pó něntejšnem planowanju w lěśu 2023.
