Sobotu, 8. oktobra 2022, jo Rěcny centrum WITAJ serbskorěcne familije pśepšosył na cełodnjowske drogowanje do Pólskeje, do bliskego Pśirodowo-lěsnego kubłańskego centruma we Wusokich Jazorach. Wulět jo se wjelgin wupłaśił, dokulaž to jo wósebnje za źiśi didaktiski zajmnje wugótowany centrum za póznaśe a rozměśe góle. Smy skazane měli wjeźenje pśez ceły areal: dom rostlinow a góle, dom gólnych zwěrjetow, bomkaŕnju a rozglědowański torm. Źiśi su měli swój špos pśi interaktiwnych zaběrach we małej wustajeńcy. Dalej jo šło z wandrowanim pśez kšasnu nazymsku gólu. Pó pikniku jo Aleksander Draguła, rěcny pedagoga RCW, nam wšake wulicował wó historiji groda w Brodach. Połny zajmnych zaśišćow smy se domoj wrośili.
