Wujšła jo zběrka źěłowych łopjenow „Narska liška – Źěłowe łopjena 4-6“ w Ludowem nakładnistwje Domowina. Mapa se měri na wuknikow pśedmjata „Serbšćina ako cuza rěc“ wót 4. do 6. rědownje. Ta zběrka zapśěgnjo wótměnjate zwucowanja k temam „Wšykno wó nas“, „Pśedmjaty“, „Wu nas doma“, „Zežywjenje“, „To raźi gótujomy“, „Naša domownja“, „Zwěrjeta“ a „Pówołanja“. Mapu stej zestajiłej Franc Juro Deuse a Maks Bagańc. Wóna wudopołnijo rěd „Narska liška“, ako wobstoj z dalšnych materialow za wucabnikow a wuknikow w zakładnej šuli.
Zběrka źěłowych łopjenow płaśi 12,90 € a jo k dostaśeju pód skazańskim numerom 4/107/22-1B w Ludowem nakładnistwje Domowina.
