Nowy Lutki-zešywk stoj cele w znamjenju ptaškoweje swajźby. Źiśi mógu se wjaseliś na wobrazowe tšojeńko k wumólowanjeju „Leonowa nowa źiśownja“. Mały Leon pśiźo do noweje źiśownje a pó někotarych śěžkosćach se jomu tam wjelgin spódoba. Wón swěśi samo ako póbratš zgromadnje z drugimi źiśimi ptaškowu swajźbu.

K toś tej temje se pórucuju teke woblubowane kniglicki k samobaslenju. Z pomocu tych kniglickow zeznaju źiśi wažne słowa za ptaškowu swajźbu.

Fabian Kaulfürst jo rědny morawski spiw „Wórješkowe spiwańko“ pśebasnił, kenž spiwaju źiśi na Morawje pśi camprowanju.

Se wě, až dajo teke za starjejšych zasej tematiski słownick.