Rěcny centrum WITAJ jo w interneśe wózjawił prědnu dolnoserbsku digitalnu wucbnicu „Kšac pó kšacu dolnoserbski wuknuś“. Wóna jo za wuknikow, kenž wuknu dolnoserbski pó Witaj-koncepśe w zakładnych a wušych šulach a w gymnaziumje. „Kšac pó kšacu“ słužy zwucowanju a skšuśenju gramatiskich a pšawopisnych zamóžnosćow.  Digitalny wucbny srědk wopśimujo 10 lekcijow ze wšakorakimi zwucowańskimi typami. Głowny awtor jo dr. Timo Meškank, awtor lekcijowu 9 a 10 jo Aleksander Draguła. Dwójorěcny internetowy bok jo pód kšacpókšacu.sorbischlernen.de a sorbischlernen.de za wšyknych pśistupny. Wó tom buźo krotki pśinosk w telewizijnem magacinje „Łužyca“ 19. decembra.