Wótsłuchańske knigły „Cerwjenawka a druge bajki“ su nowy material w dolnoserbskej rěcy wudany wót Rěcnego centruma WITAJ. Na dwěma cejdejkoma jo nagranych źaseś bajkow bratšowu Grimm, kótarychž tekst jo se južo wótśišćał w knigłach „Cerwjenawka a druge bajki“ wudanych w lěśe 2019. Ku kuždej bajce słuša teke spiw. Muziku za spiwy jo nagrała kupka „Serbska reja“, spiwał jo Fabian Kaulfürst. Wón a teke Marja Elikowska-Winklerowa stej cytałej bajki nagrane na cejdejkoma. Wótsłuchańske knigły mógu pomagaś we wucbje wugronjenja a rozměśa powědaneje rěcy. Material płaśi 10 € a se pśedawa w Smolerjojc knigłaŕni w Budyšynje a w LODCE w Chóśebuzu.
