Lube źiśi, glědajśo raz, co Witko za Was ma!
Witko, maskotka Rěcnego centruma WITAJ, ma knigły z kšasnymi fotami wó pśiroźe a błośańskej krajinje. Wóni su nastali wót wuknicow a wuknikow wob cas Lěśojskego młoźinskego lěgwa 2016.
Zgromadnje z Witkom źo na drogowanje mimo pólow, łukow, samo jazora, pósporomje Sprjewje a pó goli. Wjele zajmnego a nowego dajo se pśi tom nadejś a zgónis wó zwěrinje a rosćinje. Mimo togo mógu źiśi gódańka rozwězaś, cytanje a licenje zwucowaś. Na kóńcu „drogowanja“ Witko wugódanja pśeraźijo a se pśizamknjo dolnoserbsko-nimski słowoskład za toś te knigły.
Knigły su myslone za lubowarjow pśirody we kuždem starstwje, to groni za małe a „wjelike“ źiśi.
K dostaśeju su w Rěcnem centrumje WITAJ w Chóśebuzu a w Serbskej kulturnej informaciji „LODKA“. Šćitny płaśonk jo 4,00 €.