Mamy nowy dolnoserbski šulski timer

Za serbšćinarjow a WITAJ-wuknice/wuknikow ma Rěcny centrum WITAJ Chóśebuz nowy dolnoserbski šulski timer. Pśez šulske lěto 2018/19 dajo wón dosć ruma za notice a domacne nadawki. Z nim se zgónijo, ga serbske nałogi se wótměwaju a teke ga prozniny a liche dny su.

Mimo togo wopśimjejo toś ten wěcejbarwny ilustrěrowany dnjownik temy ako drogowanja, rěc a muzika. Aby wuknice a wukniki rědne rozwjaselece šulske lěto dožywili, jo timer ze žortami, gódańkami a anekdotami wupyšnjony.

K dostaśeju jo Serbski timer w Rěcnem centrumje WITAJ w Chóśebuzu a w LODCE Serbskego doma.