Rufus pjaco wronowe placki
Leon ma narodniny a wšykne maju dar za njogo – jano Rufus hyšći nic. Ale Leon ga jo jogo nejlěpšy pśijaśel. Co cyniś? Naraz wron Rufus se dopomnjejo, až jogo mama jo pśecej pjakła wjelgin dobre placki. To by był rědny dar! Pó krotkem pśemyslowanju wě Rufus zasej wšykne pśicynki a dar jo perfektny … skóro.
Rufus jo zalubowany
Se někomu spódobaś kśěś, njejo lažka wěc. A gaž sy zalubowany, jo to někak wjelgin komplicěrowane. Ale wron Rufus se procujo, swójej rozmilonej imponěrowaś. A Laura jo napšawdu rědna, ma takej rědnej wócy a take rědne zelene pjerja. Jo, taku pśijaśelku měś, to jo wjelika gluka. To jo Rufus rozměł.
