Ze styrimi wuknikami Dolnoserbskego internata jo Marko Měškank z Rěcnego centruma WITAJ 28. nowembra 2017 wuproběrował nowej online-kursa na webboce www.memrise.com za dolnoserbsku rěc.
Pśez prědny kurs se zwucuju pomjenjenja zwěrjetow, pśez drugi cełe sady, kenž wopisuju zwěrjeta. Wukniki su se wobźělili na tom projekśe. W běgu jadneje góźiny su wukniki wopytali wobej kursa, kurs ze sadami jo był bejnje śežčejšy. Fota, kenž pomagaju, až se wuknjecy markujo leksiku, su se jim teke spódobali. Jaden wuknik jo gronił, až jo južo webbok www.memrise.com znał, ale tam jo jano engelski zwucował. Pśez to, až memrise.com zmóžnja zběranje dypkow pśi wuknjenju, jo nastała luštna konkurenca. Wukniki DSG su pokazali, až maju poměrnje dobre leksikowe znaśa.
