K dwanastemu razoju jo Rěcny centrum WITAJ Chóśebuz pśewjadł intensiwne rěcno-didaktiske dokubłanje za wótkubłaŕki a wótkubłarje źiśownjow a hortow ze serbskorěcnymi pórucenjami. Wót 7. do 30. oktobra 2025 su byli styri pśeběgi. Dogromady 28 žeńskich a muskich – 9 zachopjeńkarjow a 19 pókšacanych – jo se pśez tśi dny intensiwnje dalej kubłało. Na góźinskem planje su stojali muzika, źěło z tekstami, konwersacija, gramatika, rozšyrjenje słowoskłada a temje wjedro a lětne case. Wobźělniki kśě w pśiducem lěśe zasej na dokubłanje pśiś.
