„Serbska wjas něga“ jo nowy domownjowědny pśewóźujucy zešywk za wuknjecych, kótaryž jo wudał Rěcny centrum WITAJ w kooperaciji ze Źěłanišćom za serbske kubłańske wuwijanje Chóśebuz (ABC) a ze Serbskim muzejom w Budyšynje. Toś te knigły su nastali na zakłaźe górnoserbskego zešywka „Serbska wjes něhdy“, kótaregož awtorka jo dr. Gizela Brukowa. Dolnoserbsku wersiju stej naźěłałej p. d. dr. Timo Meškank a Werner Měškank. Knigły su dwójorěcne: dolnoserbske a nimske. Su myslone za wukniki zakładneje šule a za druge zajmce. Cytarje zešywka mógu zgóniś mjazy drugim, kak jo žywjenje na łužyskej jsy něga wuglědało, kake su byli tencas wašnje twarjenja, kak su wejsanarje swěśili a woplěwali wšake nałogi, co su jědli a kak su źěłali.
„Serbska wjas něga“ płaśi 14,90 € a jo k dostaśeju pód skazańskim cysłom 0/209/25-1W. Toś te knigły se pśedawaju w Smolerojc knigłaŕni w Budyšynje, w LODCE w Chóśebuzu a na internetowem boce Ludowego nakładnistwa Domowina.
