Pśijaśelowu Feliksa a Floriana znajośo zawěsće ze serbskego źiśecego casopisa Płomje. Něnto móžośo se wjaseliś na luštne tšojenja ze žywjenja šybałeju gólcowu a to na 60 bokach wósebneje Płomje-edicije! „Pótajmne źurja w šuli”, „Gólcy, źowća, póšack” a „Wulět do Błotow” su tśi wót nagromadu 30 titelow, kenž namakajośo w comicowem zešywku „Feliks a Florian”. Awtor a ilustrator jo Šćěpan Hanuš.

Comicowe zešywki pśinjaso wam redaktorka Katarzyna Fidekowa rada wosobinski a dermotnje do šule. Maśo zajm? Waša ceptaŕka abo waš ceptaŕ móžo se pla njeje pśizjawiś pód plomje@witaj.domowina.de. Jadnotliwe eksemplary dostanjośo teke w Rěcnem centrumje WITAJ w Chóśebuzu na Žylojskej droze 39.