Česke kněžaŕstwo » staja mj. dr. zajmowanym Serbam (wót 18 lět) stipendije za tśi- resp. styrityźeński rěcny kurs češćiny na jadnej českej uniwersiśe k dispoziciji. Rěcny centrum WITAJ Budyšyn organizěrujo wuźělenje stipendijow.
Lětosa stoje stipendije za slědujuce kurse k dispoziciji.
- wót 16.07. do 13.08.2026 na Karlowej uniwersiśe w Praze »
- wót 02.08. do 24.08.2026 na uniwersiśe w Českich Budějovicach »
Gaž maśo zajm na jadnom z takich kursow, wupołniśo pśizjawjeński formular a pósćelśo jen až do 15.03.2026 na Rěcny centrum WITAJ. Pódajśo krotki žywjenjoběg (česki abo engelski) a krotku argumentaciju (serbski abo nimski), cogoždla se wó stipendij procujośo. Licba stipendijow jo wobgranicowana.
