Stwórtk, 30. januara 2025 smy pśiwitali zapustojski pśeśěg DSG do Rěcnego centruma WITAJ Chóśebuz. 22 pórikow jo zaśěgnuło z muziku do klubownje Dolnoserbskego internata. Tam jo cakał na nich bufet, kótaryž su sobuźěłaśerje internata a RCW z wjele lubosću pśigótowali. Dwanastkarje a jich pśewóźowarje su pó zmócowanju hyšći až do wjacora pó centrumje města śěgnuli a su mjazy drugim do měsćańskego zastojnstwa a Serbskego domu woglědali.
