Dnja 1. měrca 2022 jo woglědał Lars Harms do Rěcnego centruma WITAJ Chóśebuz. Wón jo pśedsedaŕ frakcije SSW w šleswig-holštejnskem krajnem sejmje a se zasajźujo za zdźaržanje pódpołnocnofriziskeje rěcy. W dwěgóźinskem rozgronje jo se mjazy drugim informěrował wó serbskej wucbje w šulach, naźěłanju wucbnych srědkow a dokubłanju wótkubłaŕkow. Z boka RCW su se wobźělili wótrědnik Bernd Melcher, rěcny pedagog Aleksander Draguła a lektor Franc Juro Deuse.