Kóńc septembra jo Rěcny centrum WITAJ cesćił šesć młodostnych, kótarež se wjelgin pilnuju na pólu dolnoserbskeje rěcy. Wóni pśidu z Mósta, Kopańc, Hažowa, Chóśebuza a  Pódstupima. Wóni se angažěruju w serbskich chorach; su spiwali za cejdejku, kótaraž jo źěl wucbnice za serbšćinu; su powědaŕki za Bookii-knigły LND; pśigótuju serbske spiwanja, ako pón pśednjasu na serbskich namšach; pśigótuju serbske pśinoski za pólske wuměnowe projekty; powědaju aktiwnje dolnoserbski a z tym staraju se za to, až dolnoserbska rěc jo dalej žywa – teke zwenka Dolneje Łužyce. Mimo togo wobźěliju se wuspěšnje na comicowem wuběźowanju Rěcnego centruma WITAJ a źěłaju sobu w jury pśi RCW-projekśe „Wuměłske wuběźowanje“.