„Witaj“ groni za nas, až pśewóźujomy wšykne, kótarež serbski powědaju, a wšykne, kótarež wuknu serbšćinu ako dalšnu rěc.
Wěcejrěcnje z drugimi aktiwny byś, jo europejski kubłański zaměr a naša wóźeca mysl. Toś ta mysl se dopołnijo, gaž serbsku rěc rad z nami a drugimi powědaśo, ju źiśam dalej dawaśo, ju zacuwaśo za sebje ako kulturny pókład swójskeje wósobiny a gaž se cujośo pla nas jadnorje witane.
W tej brošurce zgónijośo, z cogo wobstoj našo źěło za źiśi, młodostne a dorosćone.
Brošurku dostanjośo pla nas a w Serbskej kulturnej informaciji LODKA w Chóśebuzu.
