Rěcny centrum w Chóśebuzu jo wudał basniske knigły za źiśi. Su to lubosne basni k wšakim góźbam, ku kótaremž źiśi pśigótuju programy, na pś. źeń źiśi, źeń mamy, źeń “nana” abo źeń starkeje a starkego. Comy se wósebnje wuźěkowaś pla młodeje basnikaŕki Jill-Francis Ketlicojc, ako jo wětšynu basnjow zbasniła, ale teke pla basniskego nestora Pětša Janaša, ako jo někotare basni dodał. Ilustrěrowała jo knigły Marion Kwicojc. By se wjelgin wjaselili, gaby how a tam baseń z toś tych knigłow słyšali.