Pětk, 28. februara 2020, su swěśili serbske familije w Rěcnem centrumje WITAJ fašing. Jo to było w tom lěśe prědne zmakanje serbskich familijow w rěcnem centrumje. Wobźělili jo se šešć familijow a gósći, to groni smy byli 8 dorosćonych a 7 źiśi. Źiśi su woblacone byli ako: ryśaŕ, policist abo sonina. Za swóje rědne kostimy su dostali mały darik.

Wšykne su byli wjelgin wjasołe. Pó małem pójědanku su źiśi gótowali nejpjerwjej wšake warianty balonkoweje reje. Pótom smy gromaźe rejowali Šejcowu reju, Stup dalej a Anemari-polku. Teke spiwanje njejo felowało. Pśiduce zmakanje dej byś mólowanje jatšownych jajow.