13. septembra jo Rěcny centrum WITAJ Chóśebuz pilne wukniki a studenty ze wšakorakich źělow Dolneje Łužyce w gósćeńcu Sprjewiny młyn z wósebnym darom pócesćił. Mjazy nimi su byli tśi wuknice a jaden wuknik z Wušeje šule „Mina Witkojc“, kenž su dostali kupkowe myto wót RCW za jich wuběrne graśe wó basnikaŕce Mina Witkojc, studenta z Instituta za sorabistiku a studentka BTU ako teke wuknika Dolnoserbskego a Steenbeckowego gymnaziuma, kótarež su južo wjele wugbali na pólu dolnoserbskeje rěcy a kultury.