Wupisanje źěłowych městnow

Pśinosujomy aktiwnje k zdźaržanju a rozšyrjenju dolno- a górnoserbskeje rěcy. Za wšyknych serbski powědajucych a wuknjecych wuwijamy wucbne srědki a organizěrujomy rěcne projekty z charakterom wólnego casa ako teke rěcne kurse za wótkubłaŕki a wótkubłarje. Naše digitalne rěcne pósłužby wuwijamy stawnje dalej.

Pytamy

  • projektowego wobźěłaśerja (m/ž/d)
  • wěcywobźěłarja za wucbnice (m/ž/d)

Dolnoserbska rěc ako mjeńšynowa rěc trjeba žywe a awtentiske pósrědnjenje w źiśownjach a šulach, za což projekty rěcnego spěchowanja (dolnoserbšćina) organizěrujomy.

Pytamy k nejblišemu móžnemu terminoju jadnogo

projektowego sobuźěłaśerja (m/ž/d)

Waše nadawki

  • planowanje, organizěrowanje a pśewjeźenje rěc spěchujucych projektow w pśedšulskem a šulskem wobłuku
  • běrowowa organizacija, administratiwne nadawki

Waš profil

  • Wy sćo jadna kreatiwna a inowatiwna wósobina, kótaraž se za źěło ze źiśimi a młodostnymi zagórjujo.
  • Maśo wótzamknjone wukubłanje we wobłuku pedagogiki, kultury abo sporta abo pódobnego fachowego směra.
  • Maśo nanejmjenjej dobre zakładne znaśa dolnoserbskeje rěcy w słowje a pismje a sćo zwólniwe je wudopołniś.
  • Wy sćo organizaciski talent, maśo wurazne komunikatiwne zamóžnosći a źěłaśo rad w teamje.
  • Wy sćo mobilne a zwólniwe, teke wěcejdnjowne projekty we wólnocasowych institucijach pśewóźowaś.

Źěłowa wobšyrnosć wopśimujo 20 góźinow wob tyźeń. Myto se płaśi pó TV-L EG 9. Źěłowe městno jo Chóśebuz. Smy Waš zajm wubuźili? Pótom procujśo se pšosym ze swójimi dopołnymi pódłožkami.

Domowina z. t. – Rěčny centrum WITAJ | dr. Beata Brězanowa | Póstowe naměsto 2 | 02625 Budyšin

telefon: 03591 550400 | e-mail: beata.brezanowa@witaj.domowina.de

Wupisanja źěłowych městnow dalšnych serbskich institucijow