Płomje – Ze zapalom za wuknikow serbšćiny
Za wuknikow a wuknice lětnikow 1 do 8
Jadnasćo razy za lěto bajki a tšojenja, comici, zajmnostki z cełego swěta, z pśirody a techniki, k tomu spiwy, recepty, žorty, gódańka a wobraze k wumólowanju: to jo Płomje, jadnučki serbski casopis za šulske źiśi mjazy 7 a 14 lětami w Nimskej.
![](https://www.witaj-sprachzentrum.de/niedersorbisch/wp-content/uploads/sites/2/2022/10/Plomje-Ansicht-2022.jpg)
Z napnětosću rěc wuknuś
Wopśimjeśa góźe se ako pśidatny material k wucbje. Casopis librujo se dermo šulam ze serbskim pórucenim, dokulaž wužywaju jen teke młoge ceptarje we wucbje. Casopis płaśi 1,00 Euro za lichu pśedań a lětny abonement płaśi 9,90 Euro. Płomje jo casopis za młodše a starše wukniki: pśez specifiske pórucenja zajmne za kužde starstwo wót 1. do 8. lětnika. Tak raźi se wuknjenje rěcy – z wjaselom.
Jadnotliwe eksemplary casopisa móžośo kupiś w Serbskej kulturnej informaciji „LODKA“.