Dolnoserbska rěc ako mjeńšynowa rěc trjeba žywe a awtentiske pósrědnjenje w źiśownjach a šulach, za což projekty rěcnego spěchowanja (dolnoserbšćina) organizěrujomy.

Pytamy k nejblišemu móžnemu terminoju jadnogo

projektowego sobuźěłaśerja (m/w/d)

Waše nadawki

• planowanje, organizěrowanje a pśewjeźenje rěc spěchujucych projektow w pśedšulskem a šulskem wobłuku
• běrowowa organizacija, administratiwne nadawki

Waš profil

• Wy sćo jadna kreatiwna a inowatiwna wósobina, kótaraž se za źěło ze źiśimi a młodostnymi zagórjujo.
• Maśo wótzamknjone wukubłanje we wobłuku pedagogiki, kultury abo sporta abo pódobnego fachowego směra.
• Maśo nanejmjenjej dobre zakładne znaśa dolnoserbskeje rěcy w słowje a pismje a sćo zwólniwe je wudopołniś.
• Wy sćo organizaciski talent, maśo wurazne komunikatiwne zamóžnosći a źěłaśo rad w teamje.
• Wy sćo mobilne a zwólniwe, teke wěcejdnjowne projekty we wólnocasowych institucijach pśewóźowaś.

Źěłowa wobšyrnosć wopśimujo 20 góźinow wob tyźeń. Myto se płaśi pó TV-L EG 9. Źěłowe městno jo Chóśebuz. Smy Waš zajm wubuźili? Pótom procujśo se pšosym ze swójimi dopołnymi pódłožkami.

Pytamy k nejblišemu terminoju

wěcywobźěłarja za wucbnice (m/ž/d)

Źěłowe wobłuki

• koncepcionelne, wopśimjeśowe a metodisko-didaktiske źěła na wuceńskich a wuknjeńskich materialijach
• dobywanje awtorow, pśestajarjow a pósuźowarjow
• nawjedowanje projektowych kupkow
• zgromadne źěło ze šulami a serbskimi institucijami

Wuměnjenja za pśistajenje

• wótzamknjony wusokošulski studium na pólu pedagogiki, rěcy abo pódobne
• nazgónjenja w šulskej abo kubłańskej praksy abo nazgónjenja lektorizěrowanja tekstow
• wjelgin dobre wustne a pisne wobkněženje dolnoserbšćiny
• wěda na pólu serbskeje kultury a serbskich stawiznow
• organizatoriska zamóžnosć, šykownosć w jadnanjach
• socialne kompetence

Źěłowe městno jo w Chóśebuzu. Źěłowy cas wucynijo 20 góźin/tyźeń, źěłowe dogrono jo wobgranicowane až do 31.12.2024. Pódlejšenje njejo wuzamknjone. Myto płaśi se pó TV-L EG 10. Zajmce daś zapódaju pšosym pisnu pšosbu z trjebnymi pódłožkami.