Šulske socialne dźěło
My šulske socialne dźěłaćerki stejimy šulerkam a šulerjam jako dalši narěčny partner k dispoziciji. Zakład našeho dźěła staj spěchowanska směrnica kraja Sakska k šulskemu socialnemu dźěłu a kooperaciske zrěčenje ze šulu. Podpěrujemy zdobom fachowu wuměnu mjez šulemi. Smy z kolegomaj w młodźinskim socialnym dźěle a swójbnym kubłanju do teama ›socialne dźěło‹ Rěčneho centruma WITAJ zapřijate.
tel. 01522 6777485
tel. 01525 1574640
tel. 01520 6064475
tel. 01522 9292668
tel. 01520 7116100
Na serbskich wyšich šulach we Worklecach, Radworju, Ralbicach a Budyšinje kaž tež na wyšej šuli w Slepom
Na serbskich wyšich šulach we Worklecach, Radworju, Ralbicach a Budyšinje kaž tež na wyšej šuli w Slepom přewodźamy šulerjow a šulerki, z tym zo spěchujemy jich socialne kompetency a skrućamy jich wosobinu. Hdyž maja problemy z druhimi šulerjemi, hdyž hroža špatne znamki abo hdyž njewědźa, kak měło po zakónčenju šule dale hić, so młodostni na nas wobroćeja. Potom dawamy jim impulsy, pokazujemy wšelake móžnosće rozrisanja a moderěrujemy mjez konfliktnymi stronami.
Chcemy, zo swoje starosće sami přewinu
Tohodla sylnimy kmanosće šulerkow a šulerjow, problemy rozrisać a ćeže zmištrować. Kubłamy wujednawarjow a organizujemy prewenciske popołdnja k temam kaž alkohol, seksualita, namóc a předsudki. Staramy pak so tež wo poskitki, w kotrychž stejitej zabawa a zhromadnosć na prěnim městnje: projektowe dny z grafitijowym wuměłstwom, hrajne a paslenske popołdnja, rjadowniske wulěty atd.
