Staflowy běh wo pokal "Płomjenja"

30. staflowy běh 2013

Šulerjo Serbskeho gymnazija Budyšin dobyli

Štwórtk, dnja 17. oktobra 2013, wubědźowachu so zaso najlěpše běharki a najlěpši běharjo serbskich wyšich šulow, wyšich šulow ze serbšćinu a serbskeho gymnazija w Ralbičanskim stadionje wo pokal Płomjenja. Šulerjo wojowachu mjeztym hižo k 30. razej wo požadanu sportowu trofeju. Lětsa mějachu Budyscy serbscy gymnaziasća nós prědku. Dalše městna wobsadźichu: SWŠ Ralbicy, WŠ Kulow, SWŠ Worklecy, SWŠ Budyšin, EŠ Wóslink a SWŠ Radwor.

Po napinacym běhu předstaji Bettina Wenderothowa z Chrósćic šulerjam njewšědnu sportowu družinu: jězdźenje ze zapřahom. Někotři wobdźělnicy smědźachu z njej samo po parkurje sobujěć a so chětro dźiwachu, kak spěšnje zamóža ponyjej ze zapřahom po zadźěwkach smalić.

Redakcija Płomjenja dźakuje so Brězanec pjekarni z Rakec a Weclichec předawarni napojow ze Sernjan za darjenje pječwa a napojow. Dalši dźak słuša Ralbičanskej šuli za mjeztym hižo dołholětnu  pomoc a podpěru při přewjedźenju wubědźowanja.

010203040506070809101112131415161718192021222324252627