Swójbne kubłanje

 

Swójbne kubłanje wopřija podpěru a kubłanje swójbow we wšelakich situacijach žiwjenja. Poradźujemy swójby a poskićamy jim přewod a podpěru we fazach wuwića dźěsća. W projektach abo přednoškach ke kubłanskim temam maja so starši ze swójskimi hódnotami a nastajenjemi rozestajeć, swoje kubłanske kompetency wukmanjeć a rozšěrjeć a tak swoje swójbne žiwjenje wobohaćeć.

Nimo toho poskićuje Rěčny centrum WITAJ swójbne kubłanje w formje swójbneho poradźowanja a přewjedźenja maćero-dźěćaceho kruha. Swójbne kubłanje chce staršich informować a jich při zmištrowanju staršiskeho nadawka podpěrować – w prěnim rjedźe přez informacije, ale tež přez posrědkowanje dalšich podpěranskich móžnosćow.
 

witaj-bautzen(at)sorben.com

tel.: 03591 550400
 

Swójbne poradźowanje

Swójbne poradźowanje wotměje so po dorěčenju termina.