Sedmy rapak

 

Sedymy wron / Sedmy rapak (delnjoserbsce a hornjoserbsce)

animaciski film po serbskej powěsći wo Krabaće, 72 mjeńšin
za dźěći wot 8 lět
 
Němska 2011
režija: Jörg Herrmann
kniha: Jörg Hermann, Heda Gehm
synchronizacija: Michał Cyž (SAEK)

trailer

K wobsahej:
Łužica, kónc 30-lětneje wójny: W lěću pase Krabat huso a kozu a w zymje chodźi po prošenju. Najradšo pak by čitać a pisać nawuknył. Tuž poda so do Kamjenca, zo by wukubłanske městno namakał. W zymnej, šerjacej nocy wjedu jeho čorne krakace rapaki k Čornemu młynej. Młynk přiwza jeho za wučomnika a slubi jemu, zo smě w Koraktoru čitać wuknyć. Přepozdźe Krabat spóznaje, zo je jeho mištr zły kuzłar a zo jeho wučomnikow w čornej magiji wuwučuje. Tola nic jenož to! Jónu wob lěto wopruje Čorny młynk jednoho wučomnika a nichtó njewě, štó je jako přichodny na rjedźe. Swojemu zrěčenju so Krabat njewuwinje, chibazo namaka někoho, kiž jeho bjez wuměnjenjow lubuje.
 
Animaciski film na zakładźe siluetoweje techniki bazuje na serbskej powěsći wo Krabaće a je so wuwzała z Dürroweje zběrki němskich powěsćow z lěta 1918. Na Mjezynarodnym dźěćacym festiwali "Schlingel" 2011 dósta film animaciske filmowe myto.
 
Hłownej róli rěčitaj
hornjoserbsce:
Krabat (młody) – Alojs Šołta
Krabat (stary) – Stanisław Brankačk
delnjoserbsce:
Krabat (młody) – Maximilian Hassatzky
Krabat (stary) – Manfred Starosta

Dalše informacije pod www.serbske-kino.de