|
Rěcny centrum WITAJ wobgóspodarjujo dwa internata, kótarejž stej Serbskemu gymnaziumoju Budyšyn resp. Dolnoserbskemu gymnaziumoju Chóśebuz pśirědowanej. Wobej šuli stej pó swójom profilu jadnorazowej w Sakskej resp. w Bramborskej a jadnučke górnoserbske resp. jadnučke dolnoserbske gymnazialne wukubłanišćo serbskego luda. Wobydlarjam internatowu Załožba za serbski lud wótpowědujucy swójim směrnicam pśizwólujo financielnu pódpěru za bydlenje a zastaranje w internaśe. Žywjenje w internaśe wuknikam zmóžnja, se aktiwnje na duchno-kulturnem žywjenju města wobźěliś a wšykne towarišnostne a kulturne pórucenja serbskich a dalšnych institucijow městowu Budyšyn resp. Chóśebuz wužywaś. Pśez zgromadne bydlenje pak jo jim teke móžno, serbske kulturne wjeraški sami wugótowaś, serbske nałogi a kulturu woplěwaś a na taki part gymnazium a internat ako platformu zarědowanjow za towarišnostne žywjenje wužywaś. Na drugem boce serbska rěc a kultura dawatej młoźinje pśidatnu šansu, se za druge kultury wótwóriś a se w swěśe orientěrowaś. To jim pśipomaga a tyjo pśi pówołańskem dalejpśiźenju w pśichoźe.
|
|
|