|
Nadawk wědomnostnych sobuźěłaśerjow/-kow Rěcnego centruma WITAJ w Budyšynje a Chóśebuzu jo w prědnem rěźe, serbskorěcne wótkubłanje a kubłanje w źiśownjach a šulach wědomnostnje pśewóźowaś, rěcnopolitiske zaměry wuźěłaś a koncepcionelnje źěłaś. Ako zwězowadło mjazy źiśownjami a šulami na jadnom a statnymi kubłańskimi institucijami na drugem boce procujomy se wó to, aby ramikowe wuměnjenja za serbske wótkubłanje a kubłanje pólěpšowali.
Głowne nadawki pśi serbskorěcnem wótkubłanju a kubłanju w źiśownjach:
-
rozšyrjowanje serbskorěcnego wótkubłanja, pśedewšym pśez zawjeźenje imersiwnego rěcnego pórucenja pó modelu WITAJ
-
pódpěrowanje nosarjow źiśownjow pśi zawjeźenju a realizěrowanju modela WITAJ a drugich formow serbskorěcnych pórucenjow
-
pśewóźowanje wótkubłarkow na pólu didaktiki a metodiki pósrědnjenja rěcy
-
informěrowanje starjejšych wó modelu WITAJ a metoźe imersije
-
optiměrowanje serbskorěcnego wótkubłanja
-
ewaluěrowanje rěcnego wuwiśa źiśi, kenž se na modelu WITAJ wobźěluju
-
dokubłanje wótkubłarkow a wótkubłarskego dorosta
-
pśednosowanje a publicěrowanje
-
koncepcionelne źěło
-
naźěłanje didaktiskich materialijow
Głowne nadawki pśi serbskorěcnem wótkubłanju a kubłanju w šulach:
-
optiměrowanje serbskorěcnego kubłanja a wótkubłanja, mjazy drugim pó koncepcijoma 2plus (Górna Łužyca) a bilingualnego wuwucowanja (Dolna Łužyca)
-
ewaluěrowanje na serbskej wucbje wobźělonych wuknikow/-cow
-
koncepcionelne źěło
-
pśednosowanje a publicěrowanje
Wědomnostne projekty |