Pósrědnjenje serbskeje rěcy w šulach

 

W Lichotnem staśe Sakska a w kraju Bramborska dajo pó kazni garantěrowane pórucenja k pśiswójenju serbskeje rěcy w šuli. Natwarjecy na pśiswójenje serbskeje rěcy w źiśowni oferěruju se w šulskem wobłuku wšakorake formy pósrědnjenja serbskeje rěcy. Wóni maju w Lichotnem staśe Sakska a w kraju Bramborska zgromadne zaměry a zakładne principy, zdźěla pak rozdźělnje se pśesajźuju. Rěcny centrum WITAJ w Budyšynje a Chóśebuzu pśi tom wusko gromadu źěła ze zagronitymi gremijami a instancami za šulstwo w tyma krajoma.

Zaměry a zakładne principy:
  • nawuknjenje cuzeje resp. drugeje rěcy pódla mamineje rěcy
  • nałožowanje specielnych wuceńskich a wuknjeńskich metodow, kótarež spěchuju aktiwnu dwójorěcnosć
  • zapśěgnjenje šulskego žywjenja a šulskego wšednego dnja, kótarejž stej pśez serbsku a nimsku rěc a kulturu pregowanej
  • pósrědnjenje interkulturelnych kompetencow ako toleranca, akceptanca, źiwanje na drugego a regionalna zgromadnosć serbskich a nimskich familijow
  • pórucenje wjelerakich cełodnjownych zaběrow a zwenkašulskich aktiwitow, kótarež pódpěruju nałožowanje a skšuśenje serbskeje rěcy
Pśesajźenje pósrědnjenja serbskeje rěcy

kórta: Źiśownje a šule ze serbskorěcnym pórucenim

Lěpšyny dwójo- a wěcejrěcnosći
Dwójo- a wěcejrěcnosć – njewótwisnje wót togo, lěc jadna se wó dwójorěcnosć z regionalneju, mjeńšynoweju abo swětoweju rěcu –
  • spěchujo powšyknu intelektualnu wugbałosć, analytiske, abstraktne, pśirownujuce a kreatiwne myslenje
  • spěchujo pówołańske wuwiśe
  • wólažcujo nawuknjenje dalšnych rěcow
  • wólažcujo žywy a njepósrědny pśistup k drugim rěcam a kulturam.

Prědne mjazywuslědki z lětnikow 1 do 4 zakładneje šule wobwěsćuju pšawosć koncepcionelnego wusměrjenja a až jo móžno, zaměry dojśpiś.