|
Pśedstajenja źiwadłoweje kupki "Grajarki" Nanejmjenej raz za lěto wopytujo Rěcny centrum WITAJ źiśownjam a šulam serbske źiwadłowe graśa pórucyś. Južo pśed lětom 2002 su źiśownice ze Žylojskeje źiśownje "Mato Rizo" za swóje źiśi małe źiwadłowe graśa ku gódam pśedstajili. Wót lěta 2002 wustupujo toś ta lajska źiwadłowa kupka teke w zjawnosći a to pśedewšym za serbšćinarje/-ki. Z takimi źiwadłowymi graśami jo se w Dolnej Łužycy raźiło prozny flak wupołniś. Źiśi dožywjaju graśa dopołnje w dolnoserbšćinje, zwězane z wjele mimiku, gestiku a se góźecymi rekwizitami.
Źiwadłowa kupka "Grajarki" pórucujo projekt za WITAJ-wucbu Njedawno smy my "Grajarki" wuspěšny projekt w 6. lětniku Žylojskeje zakładneje šule pśewjadli. Wukniki su mógali se zeznaś z našym graśim "Tužny princ" a jogo figurami, se z nami rozgranjaś a sami wěste pasaže "Zgubjone źiśetko" w Janšojskej šuli. Za drugu połojcu togo šulskego lěta (wót maja 2012) by my mógali dalšny projekt w někakej WITAJ-kupce organizěrowaś a pśewjasć. Gaž maśo zajm, lube ceptarki a ceptarje WITAJ-wucby, až my k Wam do šule pśiźomy, aby gromaźe z Wašymi wuknikami a wuknicami źiwadło grali, dajśo to nam k wěsći. Pótom by wopśimjeśe, formu a wašnju projekta gromaźe konkretizěrowali a planowali. Toś zazwóńśo na mnjo abo pósćelśo mailku. By se wjaselili, gaby měli zajm. W mjenju "Grajarkow"
Ingrid Hustetowa
tel.: 0355 / 485 76 447
e-mail:
Diese E-Mail-Adresse ist gegen Spambots geschützt! Sie müssen JavaScript aktivieren, damit Sie sie sehen können.
Pśedstajenja Nimsko-Serbskego ludowego źiwadła
Mimo togo maju źiśi w Dolnej Łužycy raz za lěto móžnosć graśa Nimsko-Serbskego ludowego źiwadła Budyšyn dožywiś. Prědny raz jo se w lěśe 2001 z wjelikim wuspěchom cysto serbskorěcne pupkowe graśe "Pětš a wjelk" w Chóśebuzu (Piccolo) pokazało.
|
||||||||||||||||||||||||||||||||||||||||||||||||
|
|
||||||||||||||||||||||||||||||||||||||||||||||||
