Wuměłske wuběźowanje za źiśi WITAJ-kupkow w źiśownjach Dolneje Łužyce se pśewjeźo wót lěta 2004. Doněntejšne temy su byli serbske powěsćowe póstawy ako lutki, plon, wódny muž a błudnik, wužowy kral a nocny jagaŕ. Nejpjerwjej deje źiśi se zaběraś z powěsću a jeje głowneju figuru a pón ju pśedstajiś z kreslankami, collage abo plastikami. Nastawaju wjelgin kreatiwne wuźěła, kótarež mógu se w ramiku wustajeńce woglědaś. Jury z tśich wósobow (cesto su to gymnaziasty /-ki Dolnoserbskego gymnaziuma Chóśebuz) pógódnośujo pśinoski.