Pó prědnem schójźeńku wuběźowanja w serbskej rěcy w źiśecem casopisu Płomje pśijědu wukniki/-ce 6. lětnika do Chóśebuza, aby se na drugem schójźeńku wobźělili. Wuběźowanje pśewjedujomy wětšy źěl kóńc měrca/zachopjeńk apryla w Rěcnem centrumje WITAJ w Chóśebuzu. W jadnogóźinskem pisnem tesće a we wustnem tesće zwěsćijomy wuknikow/-ce z nejlěpšymi znajobnosćami w serbskej rěcy. Wšykne wobźělniki/-ce dostawaju wopismo. 20 nejlěpšych wuknikow/-cow wuběźowanja delegěrujomy na Centralnu olympiadu serbskeje rěcy.

Za wukniki/-ce 8. lětnika my rowno tak wuběźowanje organizěrujomy. Wukniki/-ce z nejlěpšymi wuslědkami dostawaju myta a wšyknym wobźělnikam/-cam pśepódawamy wobźěleńske wopisma.