1994 jo se projekt prědny raz za B-serbšćinarje/-ki 5. lětnika w Dolnej Łužycy organizěrował. Na prědnej Šuli w zelenem su se wukniki/-ce z wósym zakładnych šulow wobźělili. W běgu lět jo se projekt etablěrował. Wót lěta 2000 pórucujomy kužde lěto dwa pśeběga z 60 wobźělnikami/-cami. Pśeběg trajo połtśeśa dnja. Wukniki/-ce se zaběraju ze specifiski serbskimi temami. To groni z nałogami, tradicijami a z kulturu. Wóni pśewjeduju ekskursije, se woglěduju serbske źiwadłowe graśa abo filmy w serbskej rěcy abo słuchaju pśednoski a testuju rěcne znajobnosći. Pó zakóńcenju Šule w zelenem se nejlěpše wukniki/-ce mytuju.

Wót lěta 2005 wobźěluju se wušej togo wukniki/-ce WITAJ-projekta na Šuli w zelenem. Wósebnje za te wukniki/-ce se pśigótuju serbskorěcne module. Zaměr togo zarědowanja jo, wuknikow/-ce z wjelerakosću serbskego žywjenja wopóznaś a tolerancu spěchowaś.