|
Na Centralnej olympiaźe se kužde lěto nejlěpše wukniki/-ce z Dolneje a Górneje Łužyce wuběźuju. Wóni se wótpowědujucy swójim rěcnym znaśam do slědujucych kupkow rozdźěluju:
Olympiadu pśewjeźomy pak w młodowni Querxenland we Wódowych Hendrichecach, pak w młodowni w Budyšynje respektiwnje z lěta 2009 teke w młodowni w Bórkowach w Dolnej Łužycy. Mimo na obligatoriskich pisnych a wustnych pśespytowanjach se wobźěluju wukniki/-ce w běgu połtśeśa dnjow teke na ekskursijach do wokoliny abo dožywiju małe kulturelne pśinoski. Staramy se teke wó rozwjaselenje. Wukniki/-ce se pśedstajaju z małymi pśinoskami, ako skečy, basni abo spiwy a muse wót studentow/-kow pśigótowany kwiz wugódaś. W zgromadnej diskotece maju wukniki/-ce móžnosć se lěpjej zeznawaś.
__________________________________________________________________________________________________
45. Centralna olympiada serbskeje rěcy 2011 Wót 30.05.2011 do 01.06.2011 jo se 45. Centralna olympiada serbskeje rěcy w KIEZ Querxenland we Wódowych Hendrichecach wótměła. 21 wuknikow a wuknicow z Dolneje Łužyce a Slěpjańskich stron a ceptarki a ceptarje, studenty a studentki su se na drogu dali. Smy to nejlěpše wjedro sobu měli, słyńco jo swěśiło, ako jo bus wót Rěcnego centruma WITAJ w Chóśebuzu wótjěł. Pó połtśeśagóźinskej jězbje smy do rědnego KIEZ Querxenland dojěli a do našych śpow zaśěgnuli. Zeger 19.00 jo se za wšyknych wótwórjeńske zarědowanje zachopiło. Pó nagronje kněza Wałdy wót Serbskego šulskego towaristwa z.t. jo rejowański pórik Serbskego ludowego ansambla Budyšyn z wuknikami a wuknicami ludowe reje nastuděrował. Bóžko jo klubownja za taku wjeliku kupku pśemała była, tak až jo se rum malsnje wógrěł. Weto jo ten połteragóźinski program malsnje mimo był. Na drugem dnju su zajtša pisne pśespytowanja na wótběgowem planje stojali. Wšykne wukniki a wuknice su se procowali, aby nadawki nejlěpjej dopołnili. Pó wobjeźe su źiśi gromaźe ze studentami k žrědłoju Sprjewje na górje Kottmar drogowali. Tam jo lutk Gerbod wšykne dupił. Pó wjaceri jo Serbski ludowy ansambel serbske instrumenty ako małe a wjelike gusle, dudak a tarakawu pśedstajił a rozjasnił. Tśeśi źeń olympiady jo rozplanowany był za wustne pśespytowanja. Kuždy wuknik jo měł wěsty pśigótowański cas a 10 minutow trajuce rozgrono. Žedne wukniki su wjelgin rozbuźone byli. Pó wobjeźe su wšykne wukniki a wuknice wobźěleńske wopismo a rědnu computerowu tašu dostali a wukniki z nejžlěpšymi wuslědkami pśidatnje hyšći bon za nakup.
Warning: No images in given directory. Please check the directory! |
|
|