Projektowe dny w Serbskem muzeju su za wukniki 3. lětnika koncipěrowane. Zarědowanja se pśewjedu w prědnem decemberskem tyźenju. Partnarje togo projekta su kuratory Serbskego muzeja abo muzeumowe pědagogi. Wóni pśigótuju wjeźenja, kenž wótpowěduju starstwoju źiśi. Wukniki zgóniju něco wó serbskich drastwowych wobcerkach, wó žywjenju Serbow na wšednem dnju, ale teke wó ranem wobsedlenju pśez Słowjanow. W drugej staciji nawuknu źiśi nowe serbske zymske a gódowne spiwy a spiwaju gromaźe znate spiwy a se pśewóžyju z typiskimi rytmusowymi instrumentami abo słuchaju narske na stare serbske pówěsći abo bajki. Wjerašk zarědowanja ale jo tśeśa stacija. Gromaźe se pśiswójaju wšo wokoło pśězy a Janšojskego boga. Źiśi zgóniju kak drastwy su nastali a co Janšojski bog wóznamjenijo. Ako wósebny wjerašk se woglěda Janšosjki bog źiśi w Serbskem muzeju. Z pśigótowanymi, serbskimi programami se wuźěkuju źiśi za małe dary Janšojskego boga.