Serbski filmowy wjacor jo wjerašk za tych wuknikow, kótarež su se na filmowem projekśe łońskego lěta wobźělili. Zgromadnje ze starjejšymi, bratšami a sotšami, pśijaśelami/-kami a wucabnikami/-cami dožywiju wóni premjeru dolnoserbskego filma, kenž jo z nimi nastał. Prezentěrowali su se až donětna filmy „Prozniny z lutkami“ (2004), „Serpa pśezpołdnice pótajmnosć“ (2005), „Cowanje wó plonje“ (2006), „Pomoc za nykusa“ (2007) a „Starkego błudnik“ (2008). 

Serbski dom w Chóśebuzu ma pšawe ambiente za toś ten rozwjaselecy wjacor, kenž teke jo za wuknikow/-ce serbskeje a bilingualneje wucby, a za luźi, kótarež se za dolnoserbsku rěc zajmuju.

Pó prezentaciji filma se wuźěkujo Rěcny centrum WITAJ wšyknym sobustatkujucym z DVD.